රොබෝ ගේම්ස් 2009 තරගය ගැන

ශ්‍රී ලංකා ඉංජිනේරුවන්ගේ ආයතන මගින් වාර්ෂිකව පවත්වන Robo Games 2009 තරගය මෙවරත් Techno 2009 තරගයට සමගාමීව සිරිමාවෝ බණ්ඩාරනායක අනුස්මරණ ශාලවේදී පැවැත්වෙනවා.මෙවර තරගය තරමක් සුවිශේෂීයි.මක්නිසාද යත් මෙවර ප්‍රධාන අංශ තුනකින් තරගය සමන්විතයි.එනම්,

• කණිෂ්ඨ අංශය-(පාසල් සිසුන් සඳහා)

• විශ්ව විද්‍යාල ශිෂ්‍යයින්ගේ අංශය- (විශ්ව විද්‍යාල ශිෂ්‍යයින් සඳහා.,මෙයට පෞද්ගලික උපාධි ආයතන වල සිසුන්ද අයත්වේ.)

• ජේ්‍යෂ්ඨ අංශය-(විවෘත,එනම් කලින් මෙම තරගයට නිර්මණ ඉදිරිපත් කළ සහ දැනට ක්ෂේත්‍රයේ සිටින ප්‍රවීනයන්,උපාධි නිමකළ සිසුන් සඳහා)

මෙවැනි තරගයක් වාර්ෂිකව පැවැත්වීමද ලොකු දෙයක්,මොකද ශ්‍රී ලංකාවේ හතර දිග්භාගයේ සිටින දැනුමැති අයවලුන්ට තමන්ගේ දැනුම පරීක්ෂා කිරීමට මෙය හොඳ තොතැන්නක්.

අවසාන වශයෙන් කියන්න තියෙන්නේ මෙවර තරගයට ඉදිරිපත් වන හැමටම සතු‍ටුදායක ප්‍රතිපල අත්වේවා කියලයි.ඔබ සැමට සදා ජය..!

ටෙක්නෝ 2009(Techno 2009) ඉංජිනේරු ප්‍රදර්ශනය

ශ්‍රී ලාංකික ඉංජිනේරුවන්ට,ඉංජිනේරු සිසුන්ට,පාසල් වල නව නිර්මාණකරනයේ යෙදෙන්නන්ට,ඉංජිනේරු ආයතනවලට ඉතා වැදගත් වන ලාංකේය ඉංජිනේරුවන්ගේ මහා කල එළි මංගල්‍යය වන ශ්‍රී ලංකා ඉංජිනේරුවරුන්ගේ ආයතනය IESL මගින් සංවිධානය කරන ටෙක්නෝ 2009/Techno 2009 ඉංජිනේරු ප්‍රදර්ශනය මෙවරත් අති උත්කර්ෂවත් අන්දමින් ඔක් ‍තෝබර් 9,10,11 තෙදින තුළ සිරිමාවෝ බණ්ඩාරනායක අනුස්මරණ සම්මන්ත්‍රණ ශාලවෙහිදී පැවැත්වෙනවා.මෙවරද පසුගිය වසර තුළ මෙන් ශ්‍රී ලංකාවේ සියලුම ඉංජිනේරු පීඨ සහිත විශ්ව විද්‍යාල.තොරතුරු තාක්ෂණ පීඨ සහිත විශ්ව විද්‍යාල,HNDE,TTI(NDES),NDT වැනි රජය යටතේ පවතින වරලත් ඩිප්ලෝමැටික ඉංජිනේරුවන් බිහිකරන ආයතන,රාජ්‍ය හා පෞද්ගලික ඉංජිනේරු/තාක්ෂණික ආයතන ‍රැසක ප්‍රදර්ශන කුටි ‍රැසක් මෙවරද ශ්‍රී ලාංකිකයන් වන අපහට දැකගත හැකිවේවි.ගියවර ප්‍රදර්ශනයේදී විවෘත විශ්ව විද්‍යාලයීය ප්‍රදර්ශන කුටිය වෙනුවෙන් ප්‍රදර්ශකයෙකු ලෙස කටයුතුකල මා එහිදී ලබාගත් අත්දැකීම් අතිවිශාලයි.නවක සිසුවෙකු ලෙස විශ්ව විද්‍යාලයට පැමිණි මුල් අවදියේදීම මෙවැනි අත්දැකීමක් ලබා ගැනීමද ඉතා දුර්ලභ අවස්ථාවක් මෙන්ම භාග්‍යයක් (මට තමීර සොයුරාව ප්‍රථම වතාවට මුණ ගැසුනේද මෙම ප්‍රදර්ශනයේදී).එසේම ගියවර ප්‍රදර්ශනයේදී ශ්‍රී ලාංකික විශ්ව විද්‍යාල සිසුන්ගේ වැදගත් එමෙන්ම සුවිශේෂී නිර්මාණයන් ‍රැසක් අපහට දැකගත හැකිවූවා.ඒ අතරින් මා හට මතක් වන නිර්මාණයන් කිහිපයක් නම් රුහුනු විශ්ව විද්‍යාලයේ අවසන් වසර සහෝදරයන් තිදෙනෙකුගේ හා සොයුරියකගේ නිර්මාණයක් වූ Smart Bee ‍රැහැන් රහිත සන්නිවේදන තාක්ෂණ ක්‍රමවේදය,කොළඹ විශ්ව විද්‍යාලයේ සිසු සිසුවියන්ගේ නිර්මාණයක් වූ "Pokura Pc","වසන් පොකුර"නම් වූ උබුන්‍ටු ලිනක්ස් මෙහෙයුම් පද්ධතිය සංස්කරණය කිරීමෙන් නිපදවූ එකම පරිගණකය කිහිපදෙනෙකුට එකම අවස්ථාවේදී බහුතිර ,බහු යතුරුපුවරු භාවිතයෙන් පරිශීලනය කිරීමේ පහසුකම ලබා දෙන මෘදුකාංගය,එමෙන්ම ඔවුන්ගේ තවත් නිර්මාණයක් වූ ජංගම ATM මෘදුකාංගය දැක්විය හැකියි.අපහට ආඩම්බර විය හැකි කරුණ නම් මේ සියලු නිර්මාණ විශ්ව විද්‍යාල සිසුන් වන අපගේම සොයුරු සොයුරියන්ගේ නිර්මාණයන් වීමයි.මක්නිසාද යත් මේ ශ්‍රී ලංකාවේ අනාගතය වන නිසාවෙනි.මෙවරත් එවැනි නව නිර්මාණ බොහොමයක් තිබෙයි කියා හිතනවා.තවද ගියවර ප්‍රදර්ශනයේදී පේරාදෙණිය විශ්ව විද්‍යාලයේ ප්‍රදර්ශන කුටිය හිස්ව තිබීම කණගා‍ටුවට කරුණක්.මෙවර එසේ නොවේවා කියලා මා ප්‍රාර්ථනා කරනවා.අවුරුදු කිහිපයක් තුළදී ගොඩනැගුණු සිංහල බ්ලොග්කරුවන්ගේ සංගමය,සිංහල යුනිකෝඩ් එකමුතුව හා එක්වසිටින විශ්වවිද්‍යාල ශිෂ්‍ය /විශ්වවිද්‍යාල ආචාර්ය ප්‍රජාව,කණිෂ්ඨ/ජේෂ්‍ය පාසල් ශිෂ්‍ය ප්‍රජාව ,පාසල් ආචාර්ය ප්‍රජාව,විදුහල්පතිවරු ,විවිධ ක්ෂේත්‍ර වල සිටින අපගේම මවු භාෂාව තුලින් එකිනෙකා හා සංනිවේදනය කරන,අපගේ මවු භාෂාවේ දියුණුවට උරදෙන අපගේ ආදරණීය ශ්‍රී ලාංකිකයන්ට මා මෙවර ටෙක්නෝ 2009 ඉංජිනේරු ප්‍රදර්ශනය නැරඹීමට පැමිණෙන ලෙස ඇරයුම් කරනවා...


පලි:-මෙතෙක් කාලයක් පැරණි ශ්‍රී ලාංකික ඉංජිනේරු තාක්ෂණ ගැන නම් ටෙක්නෝ ප්‍රදර්ශන වලදී කතා වෙලා නම් නැහැ.ඒවාටත් මෙවර ප්‍රදර්ශනයේදී කවුරුන් හෝ ඉදිරිපත් කිරීමක් කරයි කියලා බලාපොරොත්තු වෙනවා.

අන්තර්ජාල පහසුකම් නැති විටෙකදී...

© 2009 kaviranga5955@gmail.com විසිනි...

සාමාන්‍යයෙන් තාවකාලික නවාතැන් වල (bording) නැවතිලා විශ්වවිද්‍යාලවල අධ්‍යාපනය ලබන බොහෝ විශ්වවිද්‍යාල සිසුන් හැමෝටම (හරියට මං වගෙ අයට) පෞද්ගලිකව අන්තර්ජාල පහසුකම් ලබා ගැනීමේ හැකියාව නැහැ(මොකද හැමෝටම HSPA usb dongle ගන්න සල්ලි නැහැනේ).විශ්වවිද්‍යාලයේදී නොමිලේ ලැබෙන අන්තර්ජාල පහසුකම ලබා ගත්තට විශ්වවිද්‍යාලයෙන් පිටත්ව බෝඩිමට ගියාට පස්සෙ තමන්ගේ හිතවතුන්ගේ වෙබ් අඩවි (විශේෂයෙන්ම අනෙකුත් විශ්වවිද්‍යාලවල හිතමිතුරන්ගේ blogger අඩවි) නරඹන්නේ කොහොමද? මට තිබුනු ලොකු ප්‍රශ්නයක් තමයි මේක. පස්සේ අන්තර්ජාලය පීරුවාට පස්සේ විසඳුමක් සොයාගත්තා.මොකක්ද ඒ ? opera 9.64 usb portable edition එක.මෙය www.opera-usb.com වෙබ් අඩවියෙන් භාගත කරගත හැකියි.මෙය එම වෙබ් අඩවියෙන් up964int.zip ලෙස නම් වූ හැකිලුම් ගොනුවක් ලෙස ඔබට ලබාගත හැකියි.

ඉන්පසු එය winzip,winrar හෝ ishark වැනි ගොනු හැකිලුම්/දිගහැරුම් මෘදුකාංගයක් භාවිතයෙන් කැමති තැනකට දිගහැරගන්න.(pen drive එකක folder එකකට නම් වඩා සුදුසුයි.)

ඉන්පසුව pendrive එක අන්තර්ජාල පහසුකම් ඇති පරිගණකයට සවිකොට මෙම වැඩසටහන අඩංගු folder එක විවෘත කරන්න. පසුව එහි ඇති OperaUSB අයිකනය මත double click කර වැඩසටහන විවෘතකරගන්න. අත්‍යාවශ්‍යය වෙබ් ලිපිනය addres bar එකේ නිවේශනය කරන්න. මෙම පියවරෙන් පස්සේ තමයි වැදගත්ම කොටස , අත්‍යාවශ්‍යය වෙබ් අඩවියේ නම මෙම බ්‍රවුසරයේ නිවේශනය කොට file මෙනුවෙන් save as විකල්පය යටතේ save as type: Web Archive(single file) ලෙස ලබා දී save බොත්තම ඔබන්න(Mozilla Firefox වලට Google Chrome වලට මේ හැකියාව නැහැ...,නමුත් Internet Explorer වලට පෙරනිමියෙන්ම එහි ඇති save as විකල්පය යටතේ save as type: ලෙස Web Archive,single file(*.mht) ලෙස ගොනු සු‍රැකුම් කල හැකියි.).

මෙහිදී ඔබ හොඳින් බැලුවහොත් එම සු‍රැකිව ඇති ගොනු වර්ගය .mht extension එකෙන් සු‍රැකිව ඇති බව ඔබට පෙනේවි.මොකක්ද මේ .mht ගොනු වර්ගය? Microsoft සමාගමෙන්ම internet explorer බ්‍රවුසරයට නිපදවූ විශේෂ වෙබ් ගොනු හැකිලුම් ක්‍රමවේදයක්.මේ ගැන වැඩි විස්තර මෙම link එකෙන් බලාගන්න.

ප්‍රශ්නය එතනින් අහවර නැහැ. බෝඩිමට ආවාට පස්සේ තමයි මට තරු පෙනුනේ. බෝඩිමේ තියෙන මගේ laptop යන්තරේට pen එක ගහලා මේ .mht extention එක යටතේ ඇති ගොනු මත double click කළා විතරයි පෙන්නන්නේ වෙන විකාරයක්. හේතුව Microsoft ආයතනයේම නිෂ්පාදනයක් වන Internet Explorer 7.0 (එතකොට බෝඩිමේ තිබුනු laptop යන්තරයේ පෙරනිමියෙන්ම තිබුනේ Microsoft Internet Explorer 7.0 බ්‍රවුසර සංස්කරණය).එයින් හරියට වෙබ් පි‍ටුවේ සිංහල Unicode පෙන්නන්න බැහැ.මේ තිරසටහන බලන්න.

ඉතින් දැන් මොනාද කරන්නේ? දහ අතේ කල්පනා කරනකොට ආයෙමත් මට පිහිටට ආවේ opera වෙබ් බ්‍රවුසරය.මෙම බ්‍රවුසරයේ තියෙනවා පරිගණක වලට ස්ථාපනය කළහැකි opera 10.0 සාමාන්‍යය සංස්කරණය.මෙය පරිගණකයට ස්ථාපනය කර Start >> Set Program Acess and Defaults යටතේ custom විකල්පය ‍තෝරා එයින් Opera ‍Select(මෙයින් කරන්නේ සම්මත බ්‍රවුසරය ලෙස Opera 10.0 සැකසීමයි).පස්සෙ ආපහු .mht ගොනු විවෘත කරන කොට කරදරකාරී Internet Explorer වල බලපෑමෙන් තොරව කෙලින්ම opera වලින් විවෘතවෙලා පෙන්නනවා.

(මෙය 100% ක් මා විසින් අත්හදා බලන ප්‍රතිකර්මයක් බවත් , දෝෂ අවම බවත් කරුණාවෙන් සලකන්න.)