Wednesday, August 1, 2012

Google Chrome Extension එකක් හදමු.


කාලයකට පස්සේ බ්ලොග් එක පැත්තට එන්න හිතුනේ අලුත් නොවෙන පොඩි දෙයක් කියලා යන්න. Google Chrome වෙබ් ගවේශකය ගැන අහලා ඇතිනේ . අන්න ඒකට අලුත් උපාංගයක් ඇතුලත් කරන්න , ඒ කියන්නේ Chrome ට Extension එකක් හදන හැටි කියාදෙන එක තමයි තමයි මේ ලිපියේ අරමුණ . Google Chrome වෙබ් ගවේශකය ගත්තොතින් භාවිතයට පහසු Google සමාගමේ තාක්ෂණ හා පහසුවෙන් Integrate වෙන වෙබ් ගවේශකයක්. හරි වැඩි කතාබහ ඕන නැහැ බලමු Extension එකකින් වෙබ් ගවේශකයට ඇති ප්‍රයෝජනය මොකක්ද කියලා. සාමාන්‍යයෙන් Extension එකකින් කරන්නේ වෙබ් ගවේශකයට අමතර පහසුකම් එකතු කරන එක . උදාහරණයක් විදිහට ඔබ ඔබගේ email ගිණුමට log වෙලා ඉන්න කොට එයට පැමිණි email සංඛ්‍යාව වෙබ් ගවේශකයේ පැත්තකින් දක්වනවනම් ඒක ඔබට පහසුවක් වේවි. නැද්ද මං කියන්නේ :-) . ඔව් ඒක පහසුවක් . Google Chrome වගේ tab ගනනාවකින් ප්‍රයෝජන ලබාගැනීමේ පහසුකම තියෙන වෙබ් ගවේශකයක email ගිනුම විවෘත වෙලා තියෙන tab එකට නිතර නිතර යන්න කම්මැලි වගේ නම් email notify extension එකකින් email එකක් ලැබුනා කියලා පෙන්නනව නම් (දැනටමත් මේවා නම් තියෙනවා gmail,yahoomail වගේ සේවා වලට) ඔබ කැමති ඇති. Google Chrome වෙබ් ගවේශකයේ නිර්මාපකයන්ට පිංසිද්ද වෙන්න ඔවුන් මෙම extension සෑදීම ඉතා පහසුවෙන් කීරීමට සුදුසු API එකක් හදලා තියෙනවා . එම නිසාවෙන්ම  ඔබට extension එකක් සෑදීම ඉතා පහසුවෙන් කල හැකියි. මෙම ලිපියෙන් කියල දෙන්නේ සරලම extension එකක් හදන හැටි (තව දෙයක් මේකේ unicode ගතියකුත් තියෙනවා).එහෙනම් වැඩේට බහිමුකෝ.

හරි මේ extension එක හදන්න මොනවද ඕන, හරිම සරලයි html ,json හා පොඩි පිංතූර කෑල්ලක් , ඒ කිව්වේ icon  එකක් ( 16*16 px png කෑල්ලක් වැඩිය හොඳයි  :-) ) . html ,png නම් අවුලක් නැහැ ඒත් json . ලොකු දෙයක් නෙවෙයි  ඔබ ajax, web developing කරල තියෙනවනම් මේ තාක්ෂණය ගැන අහලා ඇති .json කියන්නේ javascript object notaion කියන එක . වැඩි විස්තර ඕනනම්  json.org ගිහින් බලන්න. පළමුව කරන්න තියෙන්නේ මේවා එක තැනකට ගන්න එක . පහසුවට folder එකකට දාගමු. ඒ folder එක my_extension කියලා නම් කරගන්න . (පළමු රූප සටහන බලන්න .)


ඊට පස්සේ notepad එකක් අරගෙන ඒකේ පහත දැක්වෙන html coding ටික දාගන්න.(දෙවන රූප සටහන බලන්න.)



මෙම html ගොනුව save කරන්න ඕන "popup.html" all files  "encoding UTF-8" විදිහට. "ANSI"  විදිහට නම් එපා.(තුන්වන රූපසටහන බලන්න.)



ඊට පස්සෙ තමා ලොකුම වැඩේ json file එක සෑදීම . ඒකේ පහත දැක්වෙන පිළිවෙලට name,version, description ... පිළිවෙලට සටහන් කරගන්න . save කරද්දී manifest.json ලෙස නම් කරන්න අමතක කරන්න එපා .type "all files" ලෙස දෙන්න.



manifest.json ගොනුව තමයි ගොඩක් Google Chrome extension වල හදවත වෙන්නේ.

තව පොඩි දෙයක් අර png කෑල්ල :-) . මේකට නම් 16*16 px ඕනම පොඩි චිත්‍රකයක් (graphic) එකක් හරියනවා . අන්තර්ජාලය පිරික්සුවෝතින් නම් ඕනා  තරම් තියෙනවා.ඒක අනිවාර්යයෙන් icon.png විදිහට my_extension folder එකේ save කරගන්න.දැන් ඔබ my_extension folder  එක නැවත බැලුවොතින් ඒකේ popup.html , manifest.json හා icon.png ගොනු තුන දැකගන්න පුළුවන්.


 හරි දැන් ගොඩක් දුරට අපේ වැඩේ ඉවරයි .දැන් තියෙන්නේ මේ extension  එක  pack කරන එක . ඒකත් පහසු වැඩක් . Google Chrome open  කරගන්න .ඊට පස්සේ දකුණු කෙලවරේ ඉහලම තියෙන "දඬු-අඬු" icon එක click කරලා tools යටතේ ඇති extensions click  කරන්න.




  එවිට ලැබෙන extensions page  එකේ developer mode tick කරන්න.


ඉන්පසු එහි ඇති Load unpacked extention click කර ලැබෙන dailog box එකෙන් my_extension folder එක ‍තෝරා දෙන්න . එතකොට ඉබේටම වගේ my_extension නමින් extension එකක් extensions page  එකට එකතු වෙලා  තියෙයි .



පොඩ්ඩක් ඉන්න  තවම වැඩේ ඉවර නැහැ,extension එක pack කරන්නත් ඕනනේ. ඒකට pack extension click කරලා Extension root directory එකට my_extension folder එක ‍තෝරා දෙන්න. එතකොට ඔබට පෙනෙයි my_extension folder එකට පිටින් "my_extension.crx" හා "my_extension.pem" යනුවෙන් ගොනු දෙකක් තිබෙන වග. මෙයින් "my_extension.crx" කියන්නේ Google Chrome extension එක "my_extension.pem" කියන්නේ key file එක . මේ key file එක ඕන වෙන්නේ extension එකේ ඉදිරි සංස්කරණ වලට .





සෑදුනු extension මත click  කල විට ලැබෙන ප්‍රතිඵලය .






හරි එහෙනම් වැඩේ ඉවරයි , සටහන ටිකක් කලබලයෙන් ලිව්වේ , අඩුපාඩු ඇති , කමෙන්‍ටුවක් දාන්න අමතක කරන්න එපා , ඔබ සැමට ජය .

Wednesday, October 26, 2011

Windows 7 (PSR) ගැන

කාලයකට පස්සේ ආයෙත් සුපුරුදු බ්ලොග් කෙරුවාවට ආවා ඕං. අද දවසේ ඔබට සුපුරුදු windows 7 මෙහෙයුම් පද්ධතියේ තිබෙන අපූරු උපාංගයක් ගැන කියන්න තමයි මේ සූදානම.මේ  උපාංගයේ නම තමයි PSR( Problem Steps Recorder).මේ ගැන විශේෂයෙන්ම සඳහනක් කරන්න හිතුනේ දැනටමත් windows 7 මෙහෙයුම් පද්ධතිය භාවිතා කරලා තමන්ගේ බ්ලොග පවත්වාගෙන යන සහෘදයන්ට උදව්වක් විදිහට :-) . තමන්ගේම බ්ලොග් සටහන් වලට අවශ්‍ය තිර සටහන් ගන්න සමහරවිට තරමක කට්ටක් කන්න ඕන . ඒව සංස්කරණය කරන්නත් තරමක කාලයක් ඔබට වැයවෙනවා . මේ මම සඳහන් කරන psr වලින්  එම කාර්යය ඉක්මන් කරගන්න පුළුවන්.

පළමුව පහත තිරසටහනේ දැක්වෙන ආකාරයට Start menu එකේ psr ලෙස සටහන් කරන්න..(windows 7 වලදී)



ඉන්පසු ලැබෙන වැඩසටහනේ සුපිරි පරිශීලක පහසුකම ක්‍රියාත්මක කරන්න.(එතකොට තමයි හරියට වැඩසටහන ක්‍රියාත්මක වෙන්නේ, පහත තිර සටහන් පරීක්ෂාකාරීව බලන්න.)






ඉන්පසු start record බොත්තම ක්‍රියාත්මක කරන්න. මෙවිට මෙම වැඩසටහන පසුබිමේ ක්‍රියාත්මක වනවා. අප කරන සියලු ක්‍රියාකාරකමක්ම මෙම වැඩසටහන මගින් පටිගත වෙනවා.





ඕනම වෙලාවක මෙම තිරය පටිගත කිරීම නවත්වා ආයෙත් නවත්තපු තැන සිට ක්‍රියාත්මක කරන්නත් පුළුවන් .



අවශ්‍ය කොටස පටිගත කරගත් පසු Stop record බොත්තම ඔබන්න. එවිට ඔබට එම සිදුවූ සියලු කාර්යයන් zip ගොනුවක් ලෙසට සුරක්ෂිත කරගත හැකියි..






එම පටිගත කරගත් දෙය නැවත බලන්න වුවමනා නම් ඔබට කරන්න තියෙන්නේ අදාල zip ගොනුව විවෘත කරලා .mht ගොනුවක් ලෙසට තිබෙන පටිගත කිරීම opera,ie වගේ බ්‍රවුසරයකින් නරඹන එක විතරයි.


.mht  ගොනුව විවෘත කරලා බැලුවොතින් ඔබට පෙනෙන දෙයක් තමයි සෑම තිර සටහනකම සෑම  mouse click එකක්ම ලා කොළ  පැහැයෙන් ලකුණු වෙලා තිබෙන බව. ඕන නම් මෙම තිර සටහන් නැවත අපගේ කාර්යයන්ට යොදා ගන්න පුළුවන්.ඒ අතින් බැලුවහම මෙම මෘදුකාංගය ලොකු පහසුවක්.



අද සටහන ලිව්වේ ටිකක් කලබලයෙන් , අඩුපාඩු ඇති ඒවා සටහන් කරන්න , එහෙනම් අදට සමු ගන්නවා . ඔබ සැමට ජය !

Wednesday, August 10, 2011

සාරාංශයක් ..!


පහුගිය දවස්වල මගේ බ්ලොග් එක පැත්තේ එන්න බැරිඋනා. තරමක් කාර්යබහුල වීම තමයි ඒකට හේතුව.ඒවත් එක්කම ඒකාකාරීව ලියපු බ්ලොග් සටහනත් තාවකාලිකව නැවතුනා. මේ සටහන ලියන්නේ පහුගිය දවස්වල ලියපු ලිපි ටිකේ අරමුණ පැහැදිලි කරන්නත් එක්ක. සහෘද ඔබට මතක ඇති මම පරිගණක පාලන පද්ධති පිළිබඳ ලියපු පළමු ලිපිපෙළ. ලිපි තුනකට සීමාවුන එම මුල් ලිපි ටික තරමක් පාඨක පිරිසක් ආසාවෙන් බලන්න පටන් ගත්තා . මම ලිව්වේ අලුත්  දෙයක් ගැන නෙවෙයි , විවෘතයේ ඉංජිනේරු තාක්ෂණ පීඨයේ වසර 30 ක සංවත්සරය නිමිත්තෙන් පවත්වපු ප්‍රදර්ශනයට තබපු සරල පරිපථය තමයි මේ ලිපිපෙළ ලියන්න හේතු පාදක වුනේ. පළමුව parallel port එක  ගැනත් , පසුව dll  ගොනු ගැනත් ලියපු දේවල් වලින් ඔබට තරමක දැනුමක් ලැබුනානම් ඒක තමයි මට තියෙන සතුට. parallel port  එක ගැන සමහර දේවල් (status register,control register) නම් මට විස්තර කියන්න බැරිවුනා. ආයෙත් වෙලාව තියෙන කොට ඒ ගැන ලියන්නම්. මේ එම ලිපි පෙළෙහි  සම්පූර්ණ සාරාංශය. කියවලා කමෙන්‍ටුවක් දාන්න.

1.පරිගණක පාලන පද්ධති -1
2.පරිගණක පාලන පද්ධති -2
3.පරිගණක පාලන පද්ධති -3
4.DLL නැතිනම් (Dynamic Link Libraries) ගැන 1
5.DLL නැතිනම් (Dynamic Link Libraries) ගැන 2
6..DLL නැතිනම් (Dynamic Link Libraries) ගැන 3

එහෙනම් අදට සමුගන්නවා . ඔබ සැමට  ජය !